Yaponiya Rusiyeniñ Qırım işğalinden sebep yarımadanı mecburen terk etken adamlarğa yardım etüv meselesinde Ukrainağa qol tutmağa azır.
Böyle bir añlaşma Ukraina içtimaiy siyaset naziri Lüdmila Denisova ve Ukrainada Yaponiya Fevqulâde elçisi Toiçi Sakata körüşüvinde qabul etildi, dep bildire içtimaiy siyaset Nazirligi.
Denisova Toiçi Sakatağa bildirdi ki, Ukrainanıñ diger regionlarına köçip kelgen qırımlılarğa türlü içtimaiy yardım kösterile – nefaqa berile, işsiz ve balalı qorantalar, aqayı olmağan qadınlar ve veteranlarğa maddiy yardım tölenile.
Nazirniñ aytqanına köre, iş temini merkezleriniñ cedvelinde olğan qırımlılarğa qıtada iş tapmağa yardım eteler.
Aynı vaqıtta Denisova işğal etilgen yarımadada qalıp, Rusiye vatandaşlığını qabul etmegen qırımlılarnıñ problemlerini aydınlattı.
«Al-azırda Ukraina ve Qırım arasında avtomobil ve demir yol alâqası qıyınlaştırıldı. Bundan ğayrı, suv temini meselesi bar, bu sene bereketli olmaycaq, kurort mevsimi de havf altında qala», – dep qayd etti o.
Elçi şunı bildirdi ki, Yaponiyada üç yıl evelsi yüz bergen küçlü yer teprenüvinden soñ 500 biñ insan qaçıp ketti. Olardan 270 biñ kişi alâ daa belli bir müddetke berilgen evlerde yaşay.
Onıñ aytqanına köre, bu kederli tecribege esaslanıp, onıñ memleketi Ukrainağa bu qıyın vaziyetni al etmege yardım etecek.
Lüdmila Denisova teşekkür bildirip, Ukraina ayrı bir halqara teşkilâtlarnen Qırım qaçaqlarına yardım etüv meselesinde işbirlik tutqanını ayttı.
«Bugünde-bugün bütün dünya Ukrainanı qorçalay. Bizlerni er angi yardım quvandıra, çünki şimdi qırımlılar ilâc, urba, aşayt mallarına muhtaclar», – dep qayd etti o.
Böyle bir añlaşma Ukraina içtimaiy siyaset naziri Lüdmila Denisova ve Ukrainada Yaponiya Fevqulâde elçisi Toiçi Sakata körüşüvinde qabul etildi, dep bildire içtimaiy siyaset Nazirligi.
Denisova Toiçi Sakatağa bildirdi ki, Ukrainanıñ diger regionlarına köçip kelgen qırımlılarğa türlü içtimaiy yardım kösterile – nefaqa berile, işsiz ve balalı qorantalar, aqayı olmağan qadınlar ve veteranlarğa maddiy yardım tölenile.
Nazirniñ aytqanına köre, iş temini merkezleriniñ cedvelinde olğan qırımlılarğa qıtada iş tapmağa yardım eteler.
Aynı vaqıtta Denisova işğal etilgen yarımadada qalıp, Rusiye vatandaşlığını qabul etmegen qırımlılarnıñ problemlerini aydınlattı.
«Al-azırda Ukraina ve Qırım arasında avtomobil ve demir yol alâqası qıyınlaştırıldı. Bundan ğayrı, suv temini meselesi bar, bu sene bereketli olmaycaq, kurort mevsimi de havf altında qala», – dep qayd etti o.
Elçi şunı bildirdi ki, Yaponiyada üç yıl evelsi yüz bergen küçlü yer teprenüvinden soñ 500 biñ insan qaçıp ketti. Olardan 270 biñ kişi alâ daa belli bir müddetke berilgen evlerde yaşay.
Onıñ aytqanına köre, bu kederli tecribege esaslanıp, onıñ memleketi Ukrainağa bu qıyın vaziyetni al etmege yardım etecek.
Lüdmila Denisova teşekkür bildirip, Ukraina ayrı bir halqara teşkilâtlarnen Qırım qaçaqlarına yardım etüv meselesinde işbirlik tutqanını ayttı.
«Bugünde-bugün bütün dünya Ukrainanı qorçalay. Bizlerni er angi yardım quvandıra, çünki şimdi qırımlılar ilâc, urba, aşayt mallarına muhtaclar», – dep qayd etti o.
