Qırımtatar Milliy Meclisi tış alâqalar bölüginiñ reisi Ali Hamzin onıñ evini tintken Qırım FSB hadimleriniñ areketlerine mahkemede itiraz bildirecek ola.
Bunı o, Qırım.Aqiqat mühbirine telefon vastasınen bildirdi.
Al-azırda Hamzin Kiyevde buluna. Cumaaqşamı künü, mayıs 15-de, saba onıñ evine mahsus hızmetlerniñ hadimleri keldiler. Olar özüni Qırımdaki FSB taqiqat idaresiniñ hadimleri olaraq tanıttılar.
Qoranta azalarına oqulğan qararğa binaen, evde «terroristik faaliyetinen bağlı patlav maddeleri, silânı qıdırdılar».
«Olar oğluma terroristik teşkilâtqa alâqam olğanını ifadelegen senetni kösterdiler. Tintüvni ondan ziyade FSB hadimi keçirdi, eki Ural, «Berkut» hadimlerini alıp keldiler, yolnı qapattılar. Qorantamnı o qadar qorquzdılar ki, qaynanam yaramadı – az qaldı insult olacaq edi», – dep tarif etti Hamzin.
O, mahsus hızmetlerniñ qabaatlavını «absurd ve sebepsiz» dep tanıy. Onıñ qayd etkenine köre, FSB hadimleri şaatlarnen beraber keldiler, bunı ise Cinaiy-protsessual qanunlar yasaq ete.
«Bizler bu tintüvden soñ qanunsız esnas aqqında dava arizasını azırladıq», – dep bildirdi Hamzin.
Bunı o, Qırım.Aqiqat mühbirine telefon vastasınen bildirdi.
Al-azırda Hamzin Kiyevde buluna. Cumaaqşamı künü, mayıs 15-de, saba onıñ evine mahsus hızmetlerniñ hadimleri keldiler. Olar özüni Qırımdaki FSB taqiqat idaresiniñ hadimleri olaraq tanıttılar.
Qoranta azalarına oqulğan qararğa binaen, evde «terroristik faaliyetinen bağlı patlav maddeleri, silânı qıdırdılar».
«Olar oğluma terroristik teşkilâtqa alâqam olğanını ifadelegen senetni kösterdiler. Tintüvni ondan ziyade FSB hadimi keçirdi, eki Ural, «Berkut» hadimlerini alıp keldiler, yolnı qapattılar. Qorantamnı o qadar qorquzdılar ki, qaynanam yaramadı – az qaldı insult olacaq edi», – dep tarif etti Hamzin.
O, mahsus hızmetlerniñ qabaatlavını «absurd ve sebepsiz» dep tanıy. Onıñ qayd etkenine köre, FSB hadimleri şaatlarnen beraber keldiler, bunı ise Cinaiy-protsessual qanunlar yasaq ete.
«Bizler bu tintüvden soñ qanunsız esnas aqqında dava arizasını azırladıq», – dep bildirdi Hamzin.
