Link açıqlığı

Rusiye tış işler nazirligi Donetsk separatistleriniñ Rusiyege qoşuluv aqqında muracaatını eşitmedi


Rusiye tış işler Nazirliginde bildirgenlerine köre, olarnıñ Donetsk halq cumhuriyeti kibi adlanğan vilâyetniñ Rusiyege qoşulmaq muracaatı aqqında haberleri yoq.

Bunı cumaaqşamı künü brifingde tış işler nazirliginiñ resmiy vekili Aleksandr Lukaşeviç bildirdi, dep haber ete Azatlıq Radiosı.

Lukaşeviçniñ aytqanına köre, kütleviy haber vastaları bu malümatnı tarqatsa da, o, resmiy muracaat aqqında bir şey eşitmedi.

O, Rusiye tış işler naziri Sergey Lavrovnıñ al-azırda esas vazife «Ukrainadan vatandaşlarara cenk havfını» çetleştirmek kerek olğanı aqqında sözlerini tekrarladı.

Mayıs 12-de Donetsk separatistleri «referendumdan» soñ özüni mustaqil devlet olaraq ilân etip, Rusiye terkibine qoşulmasını istediler.
XS
SM
MD
LG