Avropa Birliginiñ cezaları «Çernomorneftegaz» şirketiniñ işine tesir etmeycek.
Bunı Aqmescitte matbuat konferentsiyasında «Çernomorneftegaz» müessisesiniñ baş «müdiri» Adrey İlin bildirdi, dep haber ete KİA.
«Asılında, «Çernomorneftegaz» müessisesiniñ çetelde aktivleri, esapları yoq, o, anda çalışmay bile. Müessise maqsadı – içki bazarnı tabiiy gaznen temin etmektir. Doğrusını aytqanda, qasevetlenmege sebep yoq, bizge qarşı cezalar nasıl etip kirsetilecegini añlap olamayım», – dep qayd etti İlin.
AB tış işler nazirleri tarafından Qırım «parlamenti» tarafından Rusiyege berilgen «Çernomorneftegaz» müessisesine qarşı ceza kirsetmek içün uquqiy esaslar tapıldı.
Ukraina baş naşçiri Arseniy Yatsenük bildirdi ki, Ukraina Stokgolm Halqara arbitraj mahkemesinde bunıñnen bağlı dava açtıracaq.
Mart ayında Qırım «baş naziriniñ birinci muavini» Rustam Temirgaliyev Qırım cermay gaz çıqarıcı şirket satılacağını bildirgen edi. Müessise aktivlerini «Gazprom» satın alması mümkün edi.
«Çernomorneftegaz» «Naftogaz Ukrainı» şirketine ait ve devlet mal-mülki sayıla. Lâkin Qırım işğalinden soñ öz başına tayin etilgen baş nazir Sergey Aksönov «Çernoforneftegaznıñ» reberligini deñiştirip, baş müdir vazifesine Andrey İlinni tayin etti. Bundan evel o, «Krımskiye generiruyuşçiye sistemı» devlet müessisesiniñ baş müdir muavini edi.
Bunı Aqmescitte matbuat konferentsiyasında «Çernomorneftegaz» müessisesiniñ baş «müdiri» Adrey İlin bildirdi, dep haber ete KİA.
«Asılında, «Çernomorneftegaz» müessisesiniñ çetelde aktivleri, esapları yoq, o, anda çalışmay bile. Müessise maqsadı – içki bazarnı tabiiy gaznen temin etmektir. Doğrusını aytqanda, qasevetlenmege sebep yoq, bizge qarşı cezalar nasıl etip kirsetilecegini añlap olamayım», – dep qayd etti İlin.
AB tış işler nazirleri tarafından Qırım «parlamenti» tarafından Rusiyege berilgen «Çernomorneftegaz» müessisesine qarşı ceza kirsetmek içün uquqiy esaslar tapıldı.
Ukraina baş naşçiri Arseniy Yatsenük bildirdi ki, Ukraina Stokgolm Halqara arbitraj mahkemesinde bunıñnen bağlı dava açtıracaq.
Mart ayında Qırım «baş naziriniñ birinci muavini» Rustam Temirgaliyev Qırım cermay gaz çıqarıcı şirket satılacağını bildirgen edi. Müessise aktivlerini «Gazprom» satın alması mümkün edi.
«Çernomorneftegaz» «Naftogaz Ukrainı» şirketine ait ve devlet mal-mülki sayıla. Lâkin Qırım işğalinden soñ öz başına tayin etilgen baş nazir Sergey Aksönov «Çernoforneftegaznıñ» reberligini deñiştirip, baş müdir vazifesine Andrey İlinni tayin etti. Bundan evel o, «Krımskiye generiruyuşçiye sistemı» devlet müessisesiniñ baş müdir muavini edi.
