Qırım territorial planlaştıruvınıñ shema leyhası aman-aman azır ve Rusiye ükümetine iyün 1-ne qadar taqdim etilecek. Vesiqa leyhasına binaen, eki Qırım limanı – Kefe ve Kezlev – öz işini toqtatacaqlar.
Bunı Facebook saifesinde Qırım «baş naziriniñ birinci muavini» Rustam Temirgaliyev bildirdi.
«Şeer civarında yerleşken Kefe ve Kezlev limanları yavaş-yavaş işini toqtatacaqlar; Aqmescit ve Kefe qoşma aylanma yollarını alacaq; Aqmescit ve Keriç bir demir yolunen birleştirilecek (şimdi yol Canköyden kete); Yalta-Aluşta-Kefe zemaneviy yolnıñ qurması planlaştırıla; Aqmescit ava limanınıñ yañı terminalı şeernen demir yol «aeroekspressnen» birleştirilecek...», – dep yazdı o.
Temirgaliyevniñ malümatına köre, leyhanı Olimpik Soçiniñ leyhasını işlep çıqarğan institut azırlaycaq.
Bunı Facebook saifesinde Qırım «baş naziriniñ birinci muavini» Rustam Temirgaliyev bildirdi.
«Şeer civarında yerleşken Kefe ve Kezlev limanları yavaş-yavaş işini toqtatacaqlar; Aqmescit ve Kefe qoşma aylanma yollarını alacaq; Aqmescit ve Keriç bir demir yolunen birleştirilecek (şimdi yol Canköyden kete); Yalta-Aluşta-Kefe zemaneviy yolnıñ qurması planlaştırıla; Aqmescit ava limanınıñ yañı terminalı şeernen demir yol «aeroekspressnen» birleştirilecek...», – dep yazdı o.
Temirgaliyevniñ malümatına köre, leyhanı Olimpik Soçiniñ leyhasını işlep çıqarğan institut azırlaycaq.