«Ukrainada zorbalıqqa yol bermemek – separatizmge qol tutmamaqtır». Bunı Poloniya tış işler naziri Radoslav Sikorskiy Rusiye tış işler naziri Sergey Lavrovnıñ aytqanlarına cevap olaraq bildirdi. Rusiye tış işler nazirliginiñ yolbaşçısı Ukraina cenüp-şarqındaki zorbalıq açıq-aydın ve kerçek prezident saylavlarını keçirmege imkân bermegenini ayttı, dep haber ete Azatlıq Radiosı.
Radoslav Sikorskiy Rusiye naziriniñ Kreml Ukrainanıñ NATO azası olmasına qarşı çıqqanı aqqında beyanatını izaatladı.
«NATO aqqında söz yürsetilse, men Rusiye zenaatdaşımnı tınçlandıra bile. Bilgenime köre, Ukraina Anayasası onıñ bloktan tış olmasını qayd ete ve NATO azası olmaq niyetleri aqqında aytılmay», – dep ayta Sikorskiy.
Radoslav Sikorskiy Poznande studentler ögünde çıqışta bulunıp, Ukraina vaqiaları – «suvuq cenkten soñ» devirniñ soñu olğanını ayttı. Bugün bizler Avropada yaşaymız, Ekinci cian cenkinden soñ ilki sefer bir Avropa devleti ekinci Avropa memleketiniñ toprağını tartıp aldı», – dep qayd ete Poloniya tış işler naziri.
Studentler, Rusiye başqa topraqlarnı, şu cümleden Ukrainağa ait olmağan topraqlarnı işğal ete bilemi, dep soradılar. O, dedi ki: «Ümüt etem ki, yoq, lâkin işğal ete bile, dep qorqam»
Bloomberg telekanalına bergen intervyüsında Rusiye tış işler naziri Sergey Lavrov Ukraina «vatandaşlarara cenkke yaqınlaşqanını bildirdi». Lavrov qayd etti ki, Rusiye bir de bir yerge ordularını yollamaycaq.
Moskva aytqanlarına baqmadan, Ukraina akimiyeti ve Ğarp Qırım işğalinden soñ Ukraina ile sıñırda Rusiye ordularınıñ çoqlaşmasını bildireler.
Radoslav Sikorskiy Rusiye naziriniñ Kreml Ukrainanıñ NATO azası olmasına qarşı çıqqanı aqqında beyanatını izaatladı.
«NATO aqqında söz yürsetilse, men Rusiye zenaatdaşımnı tınçlandıra bile. Bilgenime köre, Ukraina Anayasası onıñ bloktan tış olmasını qayd ete ve NATO azası olmaq niyetleri aqqında aytılmay», – dep ayta Sikorskiy.
Radoslav Sikorskiy Poznande studentler ögünde çıqışta bulunıp, Ukraina vaqiaları – «suvuq cenkten soñ» devirniñ soñu olğanını ayttı. Bugün bizler Avropada yaşaymız, Ekinci cian cenkinden soñ ilki sefer bir Avropa devleti ekinci Avropa memleketiniñ toprağını tartıp aldı», – dep qayd ete Poloniya tış işler naziri.
Studentler, Rusiye başqa topraqlarnı, şu cümleden Ukrainağa ait olmağan topraqlarnı işğal ete bilemi, dep soradılar. O, dedi ki: «Ümüt etem ki, yoq, lâkin işğal ete bile, dep qorqam»
Bloomberg telekanalına bergen intervyüsında Rusiye tış işler naziri Sergey Lavrov Ukraina «vatandaşlarara cenkke yaqınlaşqanını bildirdi». Lavrov qayd etti ki, Rusiye bir de bir yerge ordularını yollamaycaq.
Moskva aytqanlarına baqmadan, Ukraina akimiyeti ve Ğarp Qırım işğalinden soñ Ukraina ile sıñırda Rusiye ordularınıñ çoqlaşmasını bildireler.
