Link açıqlığı

Öz başına tayin etilgen Qırım baş naziri Sergey Aksönovnıñ aytqanına köre, Qırım imayesi «parlament» toplaşuvında qanunlaştırılacaq ve devlet teşkilâtı olaraq çalışacaq.

«Ükümetniñ» matbuat hızmeti S. Aksönovnıñ bu fikirini bildirdi: «Qırım imayesi tertip nizamnı temin ete ve ileride de bu yöñelişte çalışacaq. Onıñ faydası pek büyük, post turğan yerde bulunıp, tehnikanı teşkermege yardım eteler. Qırım imayesi qanun bozuluvlarnıñ 50 fayızını toqtata bildi. Kimdir begense de, begenmese de, amma, bu teşkilât çalışacaq».

İyül ayında Rusiye devlet dumasında «Rusiye Federatsiyasında tertip nizamını cemaat vekilleri de temin ete bilecekleri aqqında» qanun işke tüşürilecek ve yerli akimiyetke er kesni idare etmege aq berecek. Qırımda bu işni «şan-şüret» qazanğan imaye vekiilerine işandıracaqlar.
XS
SM
MD
LG