Link açıqlığı

Aksönov sürgünlik qurbanlarınıñ hatıra Künü Qırımda provokatsiyalar olacağını tüşüne


Qırım akimiyeti sürgünlik qurbanlarınıñ hatıra künü Ukraina cenüp-şarqındaki vaziyetten sebep yarımadada provokatsiyalar olması mümkün, dep bildire. Bunı Qırımnıñ öz başına tayin etilgen baş naziri Sergey Aksönov ayttı.

Qırım ükümetiniñ matbuat hızmeti bildire ki, Cumhuriyet reberleri mayıs 18-de matem tedbirlerinde iştirak etip, yarımadada tertip-nizam ve havfsızlıq olmasını kefil etecek olalar.

Aksönovnıñ fikirince, vaziyetni Ukraina cenüp-şarqında olıp keçken adise-vaqialar kerginleştire.

«Onıñ içün biz türlü provokatsiyalardan qorqamız, lâkin qırımtatarlar tarafından degil. Bizler añlaymız ki, olarnıñ vaziyetni kerginleştirecek areketler yapmağa niyetleri yoq», – dep bildird Aksönov.

Malüm ki, Qırımtatar Milliy Meclisi provokatsiyalar olmasın dep, matem mitinginde yalıñız qırımtatar bayraqları olacağını ilân etti.
XS
SM
MD
LG