Link açıqlığı

Qırım nazirler şurası Qırım Cumhuriyeti toprağında devlet şirketlerniñ meydanğa ketirilüvi boyunca bir sıra qararlarnı qabul etti.

İşbu qarar öz başına ilân etilgen «akimiyet» toplaşuvında mayıs 14 künü alındı, dep bildire «Tsentr jurnalistskih rassledovaniy».

Kün tertibinde şirketlerniñ meydanğa ketirüvi aqqında 7 sual bar edi.

Böyleliknen «Krımsvâz» şirketiniñ açılması aqqında qarar qabul etildi. Qırımnıñ matbuavt vastaları ve informatsiya «naziri» Dmitriy Polonskiy aytqanı kibi, işbu şirket telekommunikatsion çarşısında «Ukrtelekom»nı deñiştirecek.

«Bu qarar «Ukrtelekom» al-azırda Qırım Cumhuriyetine hızmetlerniñ berüvini kerekli tarzda ber megeni ile bağlı. Bilesiñiz, al-azırda biz optovolokon kabelniñ qoyuvını bitirdik, yani biz yarımadanı qıtaiy Rusiye ile bağladıq, demek biz şimdi qıtadan yarımadağa, yarımadadan qıtağa malümatlarnıñ berilmesinde mustaqilmiz. Biz bugün «Rostelekom» ile birlikte Qırım Cumhuriyetinde bağ hızmetlerini özümiz temin ete bilemiz», – dedi Polonskiy.

«Krımsvâz», nazirniñ aytqanı kibi, Qırımda sabıq RDPTTs devlet şirketi ile birlikte LTE –ağlarnıñ çalışması üzerinde iş alıp baracaqtır. Soñkisi endiden «Krımtelekom» olacaqtır.
Bunıñnen beraber sabıq RDıTPTs telesignalınıñ yayınlavı Rusiye devlet şirketine berilecektir.

Bundan da ğayrı sabıq «Krım» devlet teleradiokompaniyası negizinde «Krım»Teleradiokompaniyası devlet muhtar müessiseniñ ve prodakşn-studiyanıñ açılmasını planlaştıralar, nazirniñ aytqanına köre, bu maqsadqa tahminen 3 million dollar kerektir.

Bundan da ğayrı Qırım nazirler Şurası bugünki toplaşuvda «KrımBTİ», «Krımgeologiya», «Uçebno-nauçnıy tsentr Respubliki Krım po ekologii i prirodnım resursam», «Ekspertno-tehniçeskiy tsentr» müessiselerniñ açılması ile bağlı qararlar baqıldı.
XS
SM
MD
LG