Link açıqlığı

Ukrainda aprel ayında Rusiye tarafdarları eñ azından 20 jurnalistni tutıp aldı, olarnıñ ekseriyeti – Slavânskta.

Böyle malümatnı Kütleviy informatsiya institutı tarafından keçirilgen «Barometr svobodı slova» tedqiqatnıñ neticeleri köstere, dep haber ete UNİAN.

Teşkilâtınñ icraiy müdiri Oksana Romanük aytqanı kibi, mart ve aprel ayları olğan jurnalistlerniñ esirge alınuv miqyası Ukrainada daa yoq edi.

Tedqiqatnıñ müellifleri tsenzura adiselerini da qayd eteler. Aprelde 21 adise, martta – 14, fevralde ise – 5 kere qayd etildi. Tsenzura Ukraina şarqında ukrain telekanallarnıñ söndürilüvi ve separatistlerniñ areketleriniñ aydınlatılmasınen bağlı edi.

Ekspertlerniñ malümatına köre, ukrain ve çetel jurnalistlerge, Rusiye jurnalistlerinden ğayrı, Ukraina şarqında çeşit türlü manialar çıqarıla edi. Olğan malümatqa köre, eñ azından 10 jurnalsit basqı neticesinde öz regionlarından ketmege mecbur oldı.

2014 senesiniñ başından jurnalistlerge qarşı kösterilgen 218 ücüm qayd etildi.
XS
SM
MD
LG