Qırım «reberleri» Donetsk ve Lugansk vilâyetlerinde olıp keçken «referendumlarnıñ» neticelerini tanıdı. Öz başına tayin etilgen baş nazir Sergey Aksönovnıñ fikirince, «vatandaşlar, qırımlılar kibi, referendum sayesinde kendi noqtaiy-nazarlarını bildirdiler», dep bildire yerli «akimiyetke» yaqın olğan «Krıminform» saytı.
«Bizler bunıñ kibi referendumlarnı tanıymız, – dep ayttı Aksönov. – Bu territorial cemiyetniñ fikiridir, onı qanun boyunca amelge keçirmek kerek. Olar şimdi qarar alalar, idare strukturasını tizeler. Tizgen olsalar, biz kimlernen muzakereler keçirilecek añlaycaqmız, ve bu işke başlaycaqmız».
Qırım «spikeri» Vladimir Konstantinov ise Qırım sakinlerine belli olğan Ukraina devleti artıq yoq olğanını ayttı.
Mayıs 11-de Donetsk ve Lugansk vilâyetlerinde region statusı aqqında referendum keçirildi. Teşkilâtçılarnıñ bildirgenine köre, vatandaşlarnıñ aman-aman 90% regionlar mustaqil olmasına qol tuttı.
Merkeziy saylav komissiyası Donbasstaki «referendumnıñ» qanunlarğa iç bir alâqası olmağanını bildirdi. Halqnıñ bu «saylavını» em Avropa, em de AQŞ qabul etmediler.
«Bizler bunıñ kibi referendumlarnı tanıymız, – dep ayttı Aksönov. – Bu territorial cemiyetniñ fikiridir, onı qanun boyunca amelge keçirmek kerek. Olar şimdi qarar alalar, idare strukturasını tizeler. Tizgen olsalar, biz kimlernen muzakereler keçirilecek añlaycaqmız, ve bu işke başlaycaqmız».
Qırım «spikeri» Vladimir Konstantinov ise Qırım sakinlerine belli olğan Ukraina devleti artıq yoq olğanını ayttı.
Mayıs 11-de Donetsk ve Lugansk vilâyetlerinde region statusı aqqında referendum keçirildi. Teşkilâtçılarnıñ bildirgenine köre, vatandaşlarnıñ aman-aman 90% regionlar mustaqil olmasına qol tuttı.
Merkeziy saylav komissiyası Donbasstaki «referendumnıñ» qanunlarğa iç bir alâqası olmağanını bildirdi. Halqnıñ bu «saylavını» em Avropa, em de AQŞ qabul etmediler.
