Link açıqlığı

Keriç sakinleri mayıs bayramlarından soñ, tükânlarda endi alışqan mahsulatlarnı tapıp olamadılar.

Qırım.Aqiqatnıñ hadimi bildirgenine köre, «Silpo» supermarketinde qolbaslar, taze meyva, qaşqaval, sütten yasalğan mahsulatlar, dondurma bitip otura. «ATB» tükânında ise, et, qolbas, süt mahsullarnıñ türleri azlaştı.

Şeerdeki aşayt mallarını satqan ufaq tükânlarda da mahsullar qıtlığı körünip tura. Bunen beraber, Keriçte, balalarğa berilgen quru botqalar ğayıp oldı.

Yerli memurlarnıñ bildirgenine köre, bu al vaqtınca sürecek, ve Qırımğa ukrain mahsullarnıñ ketirilüvinen bağlı meseleler sebebinden degil.

Keriçlilerniñ özü, Qırımğa mayıs bayramlarına kelgen turistler er şeyni satın alğanlar dep tüşüneler.

Qırım işğal etilgen soñ, Qırımdaki mahsullarnı ruslar kelip satın alalar, çünki fiyatlar şimdigi vaqıtqace, Rusiyege baqqanda da ücüz.
XS
SM
MD
LG