Aqyar şeer aphanelerinde mahsus retseptler boyunca ilâclarnıñ satıluvında red ete başlaylar, dep haber ete Nezavisimoye televideniye Sevastopolâ.
Ukrainadan bazı bir ilâclarnıñ ketirüvini toqtattılar, Rusiye Federatsiyanıñ merkeziy vilâyetleri ile munasebet daa pekitilmedi.
Aqyarda retseptler boyunca satılğan tek bir ilâchane qaldı. Mında añlatalar: ilâclarnıñ ketirüvini bir tertipke ketirmek içün ilâchaneler fevral ve mart aylarında bedava berilgen ilâclar içün borclarını ödemek kerekler. Şeer sağlıq qoruv idaresinde borclarnı yaqında ödeyceklirini bildireler.
Vaziyetni şu mesele de kerginleştire, şeerge zaruriy olğan ilâclarnıñ bir qısmı gumanitar yardım ile keldi. Faqat, mında da bazı ilâclar yetişmey.
Rusiye sağlıq qoruv nazirliginde Qırımğa ilâclarnıñ berilmesini eñ yaqın vaqıtta tertipleştirecekler. Ukrainada satılğan, amma Rusiyede qayd etilmegen ilâclarnıñ ketirilmesinen ile problemler de çoq. Bu mesele üzerinde nazirlikte işler alıp barıla, dep bildireler telekanalda.
Mütehassıslar qayd eteler ki, eger de patsiyentler yarımadada kerek olğan ilâclarnı tapmasa, olar öz ekimlerine başqa ilâclarnı bermege rica etmeliler.
Ukrainadan bazı bir ilâclarnıñ ketirüvini toqtattılar, Rusiye Federatsiyanıñ merkeziy vilâyetleri ile munasebet daa pekitilmedi.
Aqyarda retseptler boyunca satılğan tek bir ilâchane qaldı. Mında añlatalar: ilâclarnıñ ketirüvini bir tertipke ketirmek içün ilâchaneler fevral ve mart aylarında bedava berilgen ilâclar içün borclarını ödemek kerekler. Şeer sağlıq qoruv idaresinde borclarnı yaqında ödeyceklirini bildireler.
Vaziyetni şu mesele de kerginleştire, şeerge zaruriy olğan ilâclarnıñ bir qısmı gumanitar yardım ile keldi. Faqat, mında da bazı ilâclar yetişmey.
Rusiye sağlıq qoruv nazirliginde Qırımğa ilâclarnıñ berilmesini eñ yaqın vaqıtta tertipleştirecekler. Ukrainada satılğan, amma Rusiyede qayd etilmegen ilâclarnıñ ketirilmesinen ile problemler de çoq. Bu mesele üzerinde nazirlikte işler alıp barıla, dep bildireler telekanalda.
Mütehassıslar qayd eteler ki, eger de patsiyentler yarımadada kerek olğan ilâclarnı tapmasa, olar öz ekimlerine başqa ilâclarnı bermege rica etmeliler.
