Link açıqlığı

Saatnıñ esas haberi

Konstantinov Tatarstanda, Mecliske «akimiyet» ile işbirlik qurmağa ne keder etkenini añlattı


Qırım şurasının «spikeri» Vladimir Konstantinov Tatarstanda iş ziyaretinen bulunğanda Meclis reberlerinen olğan kergin munasebetleri aqqkında ikâye etti. Ve ileride, aralarında olğan manialarnı bozacağını bildirdi.

Bunıñnen bağlı malümat «parlamentniñ» saytında bar.

Konstantinovnıñ aytqanına köre, qırımtatarlarlar ealiniñ 15% teşkil eteler.

«Olarnen munasebetimiz qolay degil. Mesele şunda ki, Meclis reberleri çoq yıllar devamında Rusiyege qarşı köznen baqa ediler, bunıñ episi Ğarpnıñ teşviqi ile, Ukraina merkeziy akimiyeti tarafından finansirlene edi. Bu iş çoqqa uzaydı, onıñ içün bu manialarnı daa çoq yıllar yıqmaq kerek olacaq”.

Konstantinovnıñ fikirince, Tatarstan ve onıñ nufuzlı şahısları Meclis ile akimiyet arasında bağı qurmağa yardım eterler.

Bu sene, Konstantinov qırımtatarlar toplu yaşağan yerlerniñ abadanlaşırıluvına 600 mln. ruble sarf etmege planlaştırğanını bildirdi.

Bunen beraber, qırımtatarlarnıñ iştiragi ile firqa strukturalarnı teşkil etilüvi közde tutula. Olarnıñ episi ötkeriledejk müddetten evel saylavlarda iştirak etecekler. Ve tek bundan soñra, konstantinovnıñ fikirince, em akimiyet, em Meclis strukturaları bütünley yañartılacaq.

«Eyi ceryanlar yüz bermekte. Meclisniñ bir çoq azası, akimiyet ile munasebetni qurmağa ıntılalar, ve Qırım Rusiye terkibine kirsetilüvinen razılaşalar. Zanımca, bu siysiy qurum ve akimiyet te yañartılacaq», – dedi o.

Bundan evel, qırımtatarlar lideri Mustafa Cemilev, Tatarstan akimiyeti aqqında «Кremlniñ hızmetçisi» olğanını aytqan edi.

Tatar halqı Meclisiniñ reisi Fauziya Bayramovanıñ fikirince, Qırımdaki Meclis, Tatarstanda olğanı kibi yasaqlanacaq.
XS
SM
MD
LG