Link açıqlığı

«Qırım demir yolu» müessisesiniñ «yolbaşçı vazifelerini eda etken» Andrey Karakulkin bildirdi ki, Aqmescitten doğru Keriçke ketken tren Rusiye Künü – iyün 12-si arfesinde – yürip başlaycaq.

Böyle malümat Aqmescit şeer yolbaşçılığınıñ saytında yerleştirildi.

«616 sanlı trenni Rusiye Künü arfesinde çalıştırtmağa planlaştıramız. O, er kün gece yürecek – aqşam yolğa çıqıp, saba soñki noqtağa kelip çıqacaq», – dep ayttı Karakulkin.

Onıñ malümatına köre, tren platskart vagonları ve bir küpe vagonından ibaret olacaq. Qırım paytahtı ve Keriç arasında doğru ketken trenni keri qaytarmaq qararı bir çoq vatandaşlarnıñ muracaatına cevap oldı.

№616 Aqmescit-Keriç treni 2013 senesi mayısta lâğu etilgen edi.
XS
SM
MD
LG