Link açıqlığı

Salı künü Ukraina halq deputatları Ukraina Yuqarı Radasınıñ toplaşuvında Qırımdan saylanğan deputatlarnı vaqıttan evel vekâletlerinden marum qaldırmaq içün kerek olğan reyler sayısını toplap olamadılar.

Regionlar firqasından ukrain parlamentine saylanğan halq deputatları Boris Deyç ve Sergey Brayko aqqında söz yürsetile.

Aynı vaqıtta Rada, deputat-kommunist Sergey Topalovnı deputat vekâletlerinden marum qaldırdı.

Rey berüvden soñ Ukraina parlamentiniñ spikeri Oleksandr Turçinov Regionlar firqası ve KPU talabına riayet etip, teneffüsni ilân etti.

Qırımda «referendum» keçirilgen soñ, Boris Deyç halq deputatı vekâletlerinden vazgeçti, Sergey Brayko ise al-azırda işğal etilgen Yalta şeer yolbaşçısınıñ muavini ola. Brayko halq deputatı vekâletlerinden vazgeçüv aqqında arizanı 2014 senesi mart 25-de bergen edi.
XS
SM
MD
LG