Link açıqlığı

Mayıs 18 künü Lvov şeerinde «A.Şeptitskiy adına Lvov Milliy müzeyi – qırımtatarlar içün» hayriye sanat leyhası ömürge keçirilecek.

Leyha çerçivesinde musafirlerni qırımtatar halqınıñ tarihı, medeniyeti ve milliy urbalarınen tanış etecekler.

Bunıñ içun qırımtatar ustaları (Ulviye Ablayeva, Rustem Skibin) ve temsilcileri davet etildiler.

Tedbirde qırımtatarlarnıñ sürgünligi aqqında «Haytarma» filminiñ numayışı közde tutula.

A. Şeptitskiy adına Lvov Milliy müzeyi tedbirler devamında toplanılğan paranı Qırımdan köçken Lvov şeerindeki qırımtatarlar cemiyetine berecek.
XS
SM
MD
LG