Link açıqlığı

Avropada havfsızılıq ve emekdaşlıq Teşkilâtınıñ Ukrainada insan aqları vaziyetine qıymet kesüv missiyası aq-uquqlarnıñ bozuvları aqqında ayttı, olarnen bağlı malümat bu sene mart-aprel aylarında toplanıldı, dep haber ete Azatlıq Radiosı.

Missiya neticelerine binaen, Ukrainada bir çoq ciddiy bozuvlar oldı, şu cümleden öldürüv, ücümlar, qorquzuv ve esirge aluvlar. Esasen Yevromaydanğa qol tutqanlar ve jurnalistler, Rusiye tarafından işğal etilgen Qırımda ise – qırımtatarlar ve ukrainler zarar kördi.

Missiyada qayd etkenlerine köre, Ukrainada olıp keçken adise-vaqialar milliy azlıqlar vaziyetine tesir etti, ve eñ evelâ Qırımda. Qırımtatarlar telükeli bir vaziyetke tüştiler, em de etnik ukrainlerniñ vaziyeti raatsızlay.

Missiya Ukraina reberliginiñ muracaatına seslenip, memlekette mart ayından başlap çalıştı. Onı OSCE eki müessisesiniñ ekspertleri teşkil etti – Demokratik institutlar ve insan aqları Bürosı ve OSCE Milliy azlıqlar işleri boyunca Yuqarı komissarınıñ idaresi, dep aytıla beyanatta.
XS
SM
MD
LG