Link açıqlığı

Mayıs 18-de Aqmescitte sürgünlik künü munasebetinen bütünqırım matem mitingi yalıñız qırımtatar milliy bayraqlarınen keçirilecek.

Bunı Qırım.Aqiqat mühbirine Qırımtatar Milliy Meclis reisiniñ muavini Nariman Celâl bildirdi.

Onıñ atyqanına köre, Meclis azaları «Qırım akimiyetiniñ» vekillerinen laf etip, miting yasağı ne qadar hucur olğanını isbatladılar. Bizler añlatmağa tırıştıq, adamlar ep bir kelecek dedik. Yasaq olsa, anda adamlar bam-başqa niyetlernen kelecek. Bu vaziyetni daa beter etecek, ne qırımtatarlar, ne de akimiyet yahşı bir şey körmeycekler», – dep ayttı Celâl.

O, qayd etti ki, miting Qırımtatar Milliy Meclisiniñ stsenariyesine köre keçirilecek, lâkin «akimiyet» fikirleri köz ögüne alınacaq. «O, milliy bayraqlar ve milliy gimnnen olacaq. Ukraina ya da Rusiye bayrağı olmaycaq», – bildirdi Celâl.

Meclis provokatsiyalar ve zıddiyetler olmasın dep, Qırım «halq imayesi», yani «samooboronağa» bu vaqıt şeer merkezinde bulunmağa yasaq etmege talap etti.
XS
SM
MD
LG