Qırımda yerli «akimiyet» mayıs 16-dan Sürgünlik qurbanlarınıñ hatıra kününe bağışlanğan tedbirlerni başlaycaq.
Qırım «parlamentiniñ» matbuat hızmeti aytqanı kibi, Qırım «parlamentiniñ» halqara munasebet ve sürgün etilgen vatandaşlarnıñ meseleleri boyunca daimiy komissiya reisi Edip Gafarovnıñ bergen malümatına köre, cuma künü mayıs 16-da Aqmescitte adet üzre vokzal yanındaki soqağında (Lenin bulvarndaı) yerleşken taşqa, Vernadskiy adına Tavriya milliy universitetiniñ nebatat bağçası sıñırında olğan hatıra abidesine, Qırım müendis-pedagogik universitetiniñ «Vozrojdeniye» abidesine gülçemberler qoyulacaq.
Aynı şu künü Qırım ukrain akademik muzıkalı teatrinde Sürgünlik qurbanlarınıñ hatıra kününe bağışlanğan rekviyem olacaq.
Matbuat hızmetiniñ bergen malümatına köre, işbu tedbirlerde Qırım parlamentiniñ «spikeri» Vladimir Konstantinov da iştirak etecektir.
«Mayıs 17-de Lenin meydanında gençler «Yüregiñde ateşni yaq» adlı numayışnı keçirecekler.
Mayıs 18 künü Aqmescit merkeziy meydanında Sürgünlik qurbanlarınıñ hatıra kününe miting olıp keçecek», – denile beyanatta.
Qırımtatarlarnıñ yetekçisi Mustafa Cemilev «Eho Moskvı» radiosına bergen intervyüsinde Qırım «akimiyeti» sürgünlikniñ 70 yıllığına Aqmescit merkeziy meydanında mitingni keçirmek içün alâ daa resmiy izinni bermegenini aytıp keçti.
Qırım «parlamentiniñ» matbuat hızmeti aytqanı kibi, Qırım «parlamentiniñ» halqara munasebet ve sürgün etilgen vatandaşlarnıñ meseleleri boyunca daimiy komissiya reisi Edip Gafarovnıñ bergen malümatına köre, cuma künü mayıs 16-da Aqmescitte adet üzre vokzal yanındaki soqağında (Lenin bulvarndaı) yerleşken taşqa, Vernadskiy adına Tavriya milliy universitetiniñ nebatat bağçası sıñırında olğan hatıra abidesine, Qırım müendis-pedagogik universitetiniñ «Vozrojdeniye» abidesine gülçemberler qoyulacaq.
Aynı şu künü Qırım ukrain akademik muzıkalı teatrinde Sürgünlik qurbanlarınıñ hatıra kününe bağışlanğan rekviyem olacaq.
Matbuat hızmetiniñ bergen malümatına köre, işbu tedbirlerde Qırım parlamentiniñ «spikeri» Vladimir Konstantinov da iştirak etecektir.
«Mayıs 17-de Lenin meydanında gençler «Yüregiñde ateşni yaq» adlı numayışnı keçirecekler.
Mayıs 18 künü Aqmescit merkeziy meydanında Sürgünlik qurbanlarınıñ hatıra kününe miting olıp keçecek», – denile beyanatta.
Qırımtatarlarnıñ yetekçisi Mustafa Cemilev «Eho Moskvı» radiosına bergen intervyüsinde Qırım «akimiyeti» sürgünlikniñ 70 yıllığına Aqmescit merkeziy meydanında mitingni keçirmek içün alâ daa resmiy izinni bermegenini aytıp keçti.
