Link açıqlığı

Saatnıñ esas haberi

Qırımnıñ episi veteranları Rusiye pasportını elde etti, dep ayta FMH


Qırım Federal migratsion hızmetiniñ idaresi Ulu Vatan cenkiniñ veteranlarınıñ 100% Rusiye pasportları ile temin etilgeni aqqında haber ete.

Bunı Qırım «akimiyetiniñ» matbuat hızmeti bildire.

«Federal migratsion hızmeti Ulu Vatan cenkiniñ er veteranına Rusiye pasportını berdi. Bazı tehnikiy meseleler Canköyde yüz berdi – eki veteran hatalar olğan pasportlarını elde etti», – dedi Qırımda Federal migratsion hızmetiniñ idaresiniñ başı vazifelerini eda etken Pötr Yaroş.

Onıñ aytqanı kibi, hatalar olğan pasportlarnı yañı soylarğa deñiştirip, veteranlarğa taqdim ettiler.

Evelleri FMH qayd ete edi ki, Qırım ve Aqyardan ğayrı diger Rusiye regionlarında qırımlılardan Rusiye pasportını almaq içün 13,844 biñ ariza qabul etildi. Bunıñnen beraber olarnıñ arasında Qırımdan 3979 ve Aqyardan 1106 veteran bardır. Qırım ve Aqyarda endi 552 biñden ziyade Rusiye Federatsiyasınıñ pasportı berildi.
XS
SM
MD
LG