Link açıqlığı

«Qırım turistik mevsimi-2014» eñ güzel şekilde Aqmescitte keçe.

Böyle etip QMC sabıq kurort ve turizm naziri Aleksandr Liyev öz Fasebook saifesinde Qırımda kurort mevsiminiñ başlanmasını izaatladı.

«Qırım paytahtınıñ musafirhаneleri (kurort şeerlerinde olmağanı kibi) kerçekten de toludır, atta kvartira-apartamentler deyerlik satın alınğandır. Rusiyeden kelgen bu «turistlerniñ» çeşiti ve maqsadları hususiy, olarnı «iş turizmi» gruppasına kirsetmek mümkün, çoq aqça töley, aftalarnen, şahsiy mesken tapılmağance, yaşaylar (Moskvağa köre, kvartira fiyatları külünçlidir)», – dep yazdı Liyev ve bu «obyektiv qıymet kesüv» olğanını qayd etip keçti.

Şu sene Qırımğa mayıs bayramlarına, evel olğanı kibi, turistler aqımı yoq edi. Bunı yarımadanıñ boş turğan yalı ve yalı kenarındaki qavehaneleri tasdiqlay.

Qırım «akimiyeti» bu sene 3 million turistni qabul etmege azır olğanını bildire edi. Rusiye naqliye nazirligi Qırımğa turistlerni ketirmek içün büyük paromnı kirağa aldı. Tahminlerge köre, yazda Keriç boğazından künde eñ azından 8000 turist kelmesi beklenile edi.
XS
SM
MD
LG