Mayıs 11 gecesi Aqmescitte FSB vekilleri Maydan aktivisti olğan Ukraina kinorejissörı, stsenarist Oleg Sentsovnı tutıp esir ettiler.
Bunı Ukraina kinematografları milliy birliginiñ resmiy saytında bildireler.
Kinorejissörnıñ esirge tüşkenini birinci olıp jurnalist Yekaterina Sergatskova haber etti.
«Soñki sefer o, mennen saba saat 4-te bağlandı, esirde olğanını yazdı, bundan soñ onıñ ile bağ yoqtır. Şimdi biz bir şey yapıp olamaymız, yardım etmek içün yekâne fursat – Aqmescitte FSB nevbetçisine telefon açıp, Olegniñ al-hatırasını ve azat etüv vaqtını soraştırmaq», – dedi o.
Aqmescitteki FSB bölügine muracaatlar iç bir neticege ketirmey.
«Onıñ tutıp alınğanı em tasdiqlanmay, em de red etilmey. Oleg aqqında malümat ise tek yaqın tuvğanlarına berilecek», – dep aytıla Ukraina kinematografları milliy birliginiñ beyanatında.
Sentsov «Gamer» filminiñ müellifi ola. Film bir sıra halqara kinofestivallerniñ jüri tarafından, şu cümleden Odessa ve Hanta-Mansiyskte qayd etilgen edi. Bundan da ğayrı, film Rotterdam kinofestivalinde, Visbaden şeerinde keçirilgen GoEast yarışında iştirak etti ve «Gençlik» Kiyev halqara kinofestivalinde taqdim etildi.
Oleg Sentsov öz nevbetteki «Nosorog» oyun leyhası ile Goskino yarışında ğalebe qazandı ve devlet tarafından maliye destegine nail oldı. Yaqında filmniñ çıqarılmnasına başlamağa planlaştıra edi.
Bunı Ukraina kinematografları milliy birliginiñ resmiy saytında bildireler.
Kinorejissörnıñ esirge tüşkenini birinci olıp jurnalist Yekaterina Sergatskova haber etti.
«Soñki sefer o, mennen saba saat 4-te bağlandı, esirde olğanını yazdı, bundan soñ onıñ ile bağ yoqtır. Şimdi biz bir şey yapıp olamaymız, yardım etmek içün yekâne fursat – Aqmescitte FSB nevbetçisine telefon açıp, Olegniñ al-hatırasını ve azat etüv vaqtını soraştırmaq», – dedi o.
Aqmescitteki FSB bölügine muracaatlar iç bir neticege ketirmey.
«Onıñ tutıp alınğanı em tasdiqlanmay, em de red etilmey. Oleg aqqında malümat ise tek yaqın tuvğanlarına berilecek», – dep aytıla Ukraina kinematografları milliy birliginiñ beyanatında.
Sentsov «Gamer» filminiñ müellifi ola. Film bir sıra halqara kinofestivallerniñ jüri tarafından, şu cümleden Odessa ve Hanta-Mansiyskte qayd etilgen edi. Bundan da ğayrı, film Rotterdam kinofestivalinde, Visbaden şeerinde keçirilgen GoEast yarışında iştirak etti ve «Gençlik» Kiyev halqara kinofestivalinde taqdim etildi.
Oleg Sentsov öz nevbetteki «Nosorog» oyun leyhası ile Goskino yarışında ğalebe qazandı ve devlet tarafından maliye destegine nail oldı. Yaqında filmniñ çıqarılmnasına başlamağa planlaştıra edi.
