Link açıqlığı

Mayıs 25 künü prezident saylavlarında ukrainlilerniñ 84% iştirak etmege niyet ete.

Bunı TSN sımarışı ile GfK Ukraina kompaniyasınıñ bütünukraina telefon soravı köstere, dep bildire «İnterfaks-Ukraina».

Soravnıñ neticelerine köre, saylavlarda respondentlerniñ tek 13,3% iştirak etmeycek, saylav bölüklerine baracaqmı ya da yoq daa 2,5% bilmey.

Saylavlarda iştirak emtege istegenlerniñ eñ büyük sayısı ğarbiy Ukrainada yaşay – 95,2%. Mında saylavlarğa tek 4,8% ketmege planlaştırmay.

Şimaliy vilâyetlerde saylavlarğa ukrainlilerniñ 90,7% baracaq, 7,8% barmaycaq, 1,4% daa qarar almadı.

Merkeziy regionlarda soravnıñ neticesinde mayıs 25 künü rey bermege ukrainlilerniñ 90,8% ketecegi belli oldı, 7,9% barmaycaq, 1,3% daa bilmeyler.

Cenübiy regionlarda respondentlerniñ 84,1% baracaq ola, 13,3% rey bermege istemey, 2,5% daa doğrudan-doğru aytıp olamay.

Şarqiy vilâyetlerde saylavlarğa 29% barmağa istemey, rey bermege 66,4% azır ve 5,6% daa bilmey.

Sorav mayısnıñ 6-8 künleri keçirildi.
XS
SM
MD
LG