Link açıqlığı

Ukraina çetel işler nazirligi: Donbasstaki «referendumlar»nıñ tışında «terroristik taqımlar» tura


Ukraina çetel işler nazirligi bazar künü Donetsk ve Lugansk vilâyetlerinde keçirilgen «referendumlar»ğa «terroristik taqımlar»nıñ alâqası bar olğanı aqqında ilân etti. Bu aqta müessiseniñ saytında peyda olğan beyanatta bildirile, dep haber ete Radio Svoboda.

«Referendumlar» ve tariklerniñ tışında Rusiye zemaneviy standartlarına köre silâllanğan terroristik taqımlar tura» – dep bildirdiler nazirlikte.

Müessiseniñ mevamına köre, «mayıs 11 künü Kreml tarafından ödenilgen, teşkil etilgen qanunsız «referendum”nıñ keçirilmesi yuridik tarafından martavaldır ve Ukraina topraq bütünligine iç bir uquqiy aqibetlerni ketirmez».

Ukraina çetel işler nazirliginde şunı da qayd ettiler ki, Donetsk ve Lugansk vilâyetlerinde yaşağan insanlarnıñ çoqusı «bu areketlerge berilmeyip, ellerine cinaiy «bülletlerni almay eken».

«Ukraina halqı ne Donetsk, ne Lugansk, ne Qırımda iç bir terroristik referendumnı tanımay. Halqara toplulığı da aynı böyle fikirdedir», – dep qoştılar çetel işler nazirliginde.
Bazar künü Donetsk ve Lugansk vilâyetleriniñ bazı rayonlarında keçirilgen «referendumlarda» insanlarğa Donetsk ve Lugansk «halq cumhuriyetleri»niñ mustaqilligi ile bağlı fikirlerni bildirmege teklif etile.

AQŞ ve OBSE bu rey berüv neticelerini tanımaycağını bildireler.
XS
SM
MD
LG