Link açıqlığı

Saatnıñ esas haberi

Matbuat vastaları: yarın AB Rusiye ve Qırımğa nisbeten yañı cezalarnıñ kirsetilmesini muzakere etecek


AB memleket azalarınıñ çetel işler nazirliginiñ yolbaşçıları bazarertesi künü, mayıs 12-de Rusiyege qarşı yañı cezalarnıñ kirsetilmesini muzakere etecek. Cedvelge Rusiye Federatsiyasından 15 insanı ve Qırımnıñ 5 şirketi kirecek. AB Ukraina buhranı sebebinden Rusiyege qarşı cezalarnı arttırmağa planlaştıra.

Bunı AFP agentligi bildire.

«AB Rusiyege kösterilgen basımnı devam etmeli. Biz cezalarnıñ arttırması üzerinde iş köremiz», – dep bildirdiler Brüsselde.

Yañı cezalar ilk evelâ Qırım işğalinde mesülietli olğan şahıslarğa ait olacaq. Hususan, cezalar OBSE arbiy nezaretçileriniñ areketlerine keder etkenlerge tiyecek, bundan da ğayrı, Rusiyeniñ Qırım işğalinden kârnı körgen şirketlerniñ malı blok etile bilecek.

AB memleket azalarınıñ çetel işler nazirliginiñ yolbaşçıları Rusiyege Qırımnıñ qoşuluvı boyunca uquq aqibetleri üzerinde çalışa.

AFP agentliginiñ malümatına köre, AB memleketleri Rusiye pasportlarını elde etken qırımlılarnı Rusiye Federatsiyasınıñ vatandaşları olıp tanımağa aşıqmay, çünki böyleliknen Qırım Rusiye territoriyası olıp sayılacaqtır.

Neşirniñ yazğanı kibi, böyle alda Qırım sakinlerine AB memleketlerine vizalarnı almağa qıyın olur. Bundan da ğayrı, Qırım mahsulatına Ukraina içün kirsetilgen gümrük imtiyazları da tarqatılmamalı.
XS
SM
MD
LG