Link açıqlığı

Aqmescitte Qırım parlamentiniñ binası yanında Donetsk ve Lugansk halq referedumlarına qol tutuv mitingi olıp keçti. Onıñ iştirakçileri Rusiye yuqarı devlet akimiyetini deral Donbass «referendumınıñ» neticelerini ve Donetsk ve Lugansk «halq cumhuriyetleriniñ» devlet mustaqilligini tanımağa talap etti, dep haber ete Qırım.Aqiqat mühbiri.

150-200 insannı toplağan tedbirniñ teşebbüsçisi «25 fevralâ» cemaat-siyasiy areketi, «Tavriçeskiy soyuz» cemaat teşkilâtı oldı.

Numayış iştirakçileri qollarında Rusiye, Kommunistik firqasınıñ, Rusiye İşçi firqasınıñ bayraqlarını ve: «Halq cumhuriyetlerine – halq referendumı», «Cenüp-Şarq, Qırım sennen beraber!», «Slavânlar, faşizmge qarşılıq köstereyik!», «Rusiye yaratıluvı – dünya qurtaruvdır!» degen plakatlarnı tuta edi.

Miting devamında iştirakçiler bugün Donbassta keçirilgen «referendum»larğa qol tutqanınen beraber resmiy Kiyevniñ Antiterroristik ameliyatını da muzakere etti.

Bundan da ğayrı, Donetsk ve Lugansk vilâyetleriniñ sakinlerine gumanitar yardımnı toplamağa teklif bar edi, iştirakçiler buña qol tuttı.

Toplanğanlar Rusiye prezidenti Vladimir Putinni «Rusiye medeniy merağını qattı ve daimiy sürette qorçalamaq, Donbass halqına yardım etmege» çağırdılar. Bunıñnen beraber insanlar Çin, Venesuela, Kuba, Argentina, İndistan ve Brazilge «öz toprağında serbestlik ve mustaqillik içün küreşken Donbass halqına destekni köstermege» teklif ile buyurdılar.

Miting problemsiz keçti. Nizamnı uquq qoruyıcı organlarnıñ ve «Qırım halq imayesi»niñ vekilleri nezaret ete edi.

Mayıs 11 künü Donetsk ve Lugansk vilâyetlerinde «referendumlar» keçe. AQŞ departamenti bu qanunsız «referendumnıñ» neticelerini tanımaycağını bildirdi.
XS
SM
MD
LG