AQŞ «Donetsk halq cumhuriyeti»niñ mustaqilligi aqqında «referendum» qanunsız olğanı içün onıñ neticelerini tanımaycağını bildire.
Bunı bugün AQŞ Devlet departamentiniñ matbuat kâtibi Jen Psaki bildirdi, dep haber ete Radio Svoboda.
«Mayıs 11 künü şarqiy Ukrainada silâlı separatistler tarafından planlaştırılğan «referendum» Ukraina qanunlarına köre, qanunsızdır ve ileride de bölünüv ve tertipsizlikni meydanğa ketirmek içün yapılğandır. Eger de bu «referendum» keçse, o halqara qanunlarnı ve Ukraina topraq bütünligini bozacaqtır. AQŞ qanunsız referendumnıñ neticelerini tanımaycaq», – dep bildirdi Psaki.
O, Washingtonnıñ «referednumnıñ» keçirilmesine yol bermemek içün öz tesirini qullanmağan» Rusiye akimiyetiniñ areketleri sebebinden közü qaytuvını da bildirdi.
AQŞ Devlet departamentinde Rusiye orduları alâ daa Ukraina sıñırında olğanını da ayttılar.
Bunı bugün AQŞ Devlet departamentiniñ matbuat kâtibi Jen Psaki bildirdi, dep haber ete Radio Svoboda.
«Mayıs 11 künü şarqiy Ukrainada silâlı separatistler tarafından planlaştırılğan «referendum» Ukraina qanunlarına köre, qanunsızdır ve ileride de bölünüv ve tertipsizlikni meydanğa ketirmek içün yapılğandır. Eger de bu «referendum» keçse, o halqara qanunlarnı ve Ukraina topraq bütünligini bozacaqtır. AQŞ qanunsız referendumnıñ neticelerini tanımaycaq», – dep bildirdi Psaki.
O, Washingtonnıñ «referednumnıñ» keçirilmesine yol bermemek içün öz tesirini qullanmağan» Rusiye akimiyetiniñ areketleri sebebinden közü qaytuvını da bildirdi.
AQŞ Devlet departamentinde Rusiye orduları alâ daa Ukraina sıñırında olğanını da ayttılar.
