Qırım «akimiyeti» qırımtatar milliy Meclisi er sene mayıs 18 künü Aqmescitniñ merkeziy meydanında keçirgen sürgünlikniñ 70 yıllığı munasebeti ile mitingniñ keçirilmesine alâ daa resmiy izin bermedi.
Bunı Ukraina Yuqarı Şurasınıñ deputatı, qırımtatar halqınıñ yetekçisi Mustafa Cemilev Eho Moskvı radiosına bildirdi.
«Tünevin poçtamnı baqıp çıqtım: akimiyet alâ daa işbu mitingni merkeziy meydanda keçirmek içün resmiy izin bermedi. Olar kendi bayraqları ile mitingde iştirak eteceklerine israr ete. Olamaz, biz işğalni qabul etmeymiz, öz matem mitingimizde Rusiye bayraqlarına yelpiremege razılığımıznı bermeycekmiz. Anda, adet üzre, milliy ve Ukraina bayraqları ola bilir. Ukraina bayraqları olarğa, bilesiñiz de, qızıl basma kibi körüne», – dedi Cemilev.
Bu sebepten qırımtatarlarnıñ lideri sürgünlikniñ yıllığına çatışmalarnıñ ola bilecegini red etmey.
«İzin bermeseler bile, halq episi bir toplanır, amma uquq qoruyıcı ya da anda toplanılğan banditler ile çatışmalar ola bilecegini red etip olamaymız, – qayd etti Cemilev. – Eger de musaade etip, özleri de iştirak emtege ve bir de biriniñ beyanatını seslendirmege isteseler, anda kelgen 30-40 biñ insannıñ reaktsiyası nasıl olacağını kimse aytıp olamaz».
Mayıs 3 künü Cemilevni Qırımğa kirsetmediler. Bu sebepten qırımtatarlar Ermeni Bazar sıñırında narazılıq numayışnı keçirdiler.
Az soñra Qırım «prokurorı» Natalya Poklonskaya Meclis reisi Refat Çubarovğa «ekstremist faaliyetiniñ musaadesizligi» aqqında tenbini oqudı. Aks alda Meclis dağıtalacağı ve onıñ faaliyeti yasaq olacağını da aytıp keçti. Bundan soñ narazılıq numayışınıñ iştirakçilerine nisbeten mahkeme işleri baqıldı, olarnıñ neticesinde insanlar 10 biñ ruble miqdarında para cezasına oğaradı.
Soñra Mustafa Cemilev öz aqlarını Avropa mahkemesinde qorçalaycağını bildirdi.
Bunı Ukraina Yuqarı Şurasınıñ deputatı, qırımtatar halqınıñ yetekçisi Mustafa Cemilev Eho Moskvı radiosına bildirdi.
«Tünevin poçtamnı baqıp çıqtım: akimiyet alâ daa işbu mitingni merkeziy meydanda keçirmek içün resmiy izin bermedi. Olar kendi bayraqları ile mitingde iştirak eteceklerine israr ete. Olamaz, biz işğalni qabul etmeymiz, öz matem mitingimizde Rusiye bayraqlarına yelpiremege razılığımıznı bermeycekmiz. Anda, adet üzre, milliy ve Ukraina bayraqları ola bilir. Ukraina bayraqları olarğa, bilesiñiz de, qızıl basma kibi körüne», – dedi Cemilev.
Bu sebepten qırımtatarlarnıñ lideri sürgünlikniñ yıllığına çatışmalarnıñ ola bilecegini red etmey.
«İzin bermeseler bile, halq episi bir toplanır, amma uquq qoruyıcı ya da anda toplanılğan banditler ile çatışmalar ola bilecegini red etip olamaymız, – qayd etti Cemilev. – Eger de musaade etip, özleri de iştirak emtege ve bir de biriniñ beyanatını seslendirmege isteseler, anda kelgen 30-40 biñ insannıñ reaktsiyası nasıl olacağını kimse aytıp olamaz».
Mayıs 3 künü Cemilevni Qırımğa kirsetmediler. Bu sebepten qırımtatarlar Ermeni Bazar sıñırında narazılıq numayışnı keçirdiler.
Az soñra Qırım «prokurorı» Natalya Poklonskaya Meclis reisi Refat Çubarovğa «ekstremist faaliyetiniñ musaadesizligi» aqqında tenbini oqudı. Aks alda Meclis dağıtalacağı ve onıñ faaliyeti yasaq olacağını da aytıp keçti. Bundan soñ narazılıq numayışınıñ iştirakçilerine nisbeten mahkeme işleri baqıldı, olarnıñ neticesinde insanlar 10 biñ ruble miqdarında para cezasına oğaradı.
Soñra Mustafa Cemilev öz aqlarını Avropa mahkemesinde qorçalaycağını bildirdi.
