Moskva siyasetçileri Avropa kurortları yerine Qırımda raatlanmaq mecbur olğanını bildireler.
Aqmescitte matbuat-konferentsiyası devamında «Spravedlivaya Rossiya» firqasınıñ lideri Sergey Mironov yazda öz qorantasını işğal etilgen Qırımğa ketirmege mecbur olğanını aytıp keçti, dep bildire öz başına tayin etilgen Qırım akimiyetine yaqın olğan Krıminform saytı.
«Men endi İspaniya ve Frenkistanlarğa barıp olamayım… Qırım ise – mında acayip deñiz bar. Men mıtlaqa mında kelerim, qorantamnı da ketirip, raatlanacaqmız», – dedi Mironov.
Amma şu daqqası da deñizde çoq raatlanmağa sevmegenini qoşıp ayttı, onı seyahatlar özüne celp ete eken.
«Kerçekten aytsam, deñizde 2 kün buluna bilem, soñra maña başqa bir şey kerek. Mesele şunda ki, mende, sabıq yerşinasta, 18 tarla mevsimi bar. Er kes içün yaz – deñiz. Menim içün ise – sefer torbası ve tayga», – qayd etti Mironov, amma «Qırımğa qısqa sefrelerni» etmege söz berdi.
Keçken afta soñunda Avropa birligi Ukraina buhranı sebebinden yañı cezalarğa oğrağan 15 Rusiye sakininiñ cedvelini aşkâr etti. Aprel 29 künü peyda olğan cedvel esapları qapatılğan ve AB kirişi yasaq olğan insanlarnıñ sayısını 48-ge arttı.
Aqmescitte matbuat-konferentsiyası devamında «Spravedlivaya Rossiya» firqasınıñ lideri Sergey Mironov yazda öz qorantasını işğal etilgen Qırımğa ketirmege mecbur olğanını aytıp keçti, dep bildire öz başına tayin etilgen Qırım akimiyetine yaqın olğan Krıminform saytı.
«Men endi İspaniya ve Frenkistanlarğa barıp olamayım… Qırım ise – mında acayip deñiz bar. Men mıtlaqa mında kelerim, qorantamnı da ketirip, raatlanacaqmız», – dedi Mironov.
Amma şu daqqası da deñizde çoq raatlanmağa sevmegenini qoşıp ayttı, onı seyahatlar özüne celp ete eken.
«Kerçekten aytsam, deñizde 2 kün buluna bilem, soñra maña başqa bir şey kerek. Mesele şunda ki, mende, sabıq yerşinasta, 18 tarla mevsimi bar. Er kes içün yaz – deñiz. Menim içün ise – sefer torbası ve tayga», – qayd etti Mironov, amma «Qırımğa qısqa sefrelerni» etmege söz berdi.
Keçken afta soñunda Avropa birligi Ukraina buhranı sebebinden yañı cezalarğa oğrağan 15 Rusiye sakininiñ cedvelini aşkâr etti. Aprel 29 künü peyda olğan cedvel esapları qapatılğan ve AB kirişi yasaq olğan insanlarnıñ sayısını 48-ge arttı.
