Link açıqlığı

Zapt olunğan Qırımda sürgünlikke oğrağan vatandaşlarğa yañı kvartiralardan anahtarlar berildi


Bugün Aqmescitte «Fontanı» qasabasında 180-kvartiralı yañı evdeki 90 mekândan anahtarlarnı sürgünlikke oğrağanlar sırasıdan vatandaşlarğa tantanalı sürette teslim ettiler.

Bunı Krımskoye informatsionnoye agentstvo haber ete.

Birinci sırada yañı kvartiralarğa veteranlar ve çoqbalalı qorantalar saip oldılar. Anahtarlarnı Qırım «ükümeti»ne Milliy Meclisten vekil kösterilgen Lenur İslâmov, o şimdi vitse-premyerniñ vazifesini eda ete ve Milletlerara munasebetleri ve sürgünlikke oğrağan vatandaşlar işleri boyunca Cumhuriyet Komitetiniñ şimdiki yolbaşçısı Zaur Smirnov teslim ettiler.

«Bizler toqtamaycaqmız ve yılnıñ soñunace episi 180 kvartiranı teslim etermiz. Bundan ğayrı, yaqın yerde mektep açmaqnı közde tutamız», – dedi Smirnov.

O bergen malümatqa köre, sürgünlikke oğrağanlarnıñ abadanlaştıruv meselelerni çezilüv federal programmasınıñ ayatqa keçirüvi boyunca, yılnıñ soñunace 800 mln. rub. yollanılmaq planlaştırıla, olar birinci nevbette çoqqa sürülgen, 50% ziyade azır olğan, qurucılıq obyektlerine masraf etilecekler.

Mayısnıñ 17-sinece kvartira anahtarlarnı Lenino, Kirovskoye ve Canköy rayonlarındaki qorantalar da alacaqlar, dep qoştı Smirnov. Zuya qasabasında elektrik ağı ve Aqmescit rayonı Monetnoye köyünde gaz ağı çalışıp başlacaqlar.
XS
SM
MD
LG