Link açıqlığı

Kütleviy malümat vastaları: Qırımnıñ Yalı boyunda mayıs bayramları turistlersiz keçti


Kütleviy malümat vastaları: Qırımnıñ Yalı boyunda mayıs bayramları turistlersiz keçti

Qırımnıñ Yalı boyunda bu yıl mayıs bayramları turistlerniñ anâneviy çoqluqtaki ziyaretleri olmayıp keçti.

Bunı «Dorojnıy kontrol» mühbiri mayıs 9-da çıqarğan, Yalta civarında Nikita Botanik bağçasınıñ yanındaki boş yalınıñ videosı tasdiqlay.

«Ekseriy alda, bu vaqıt Yalta kurortlarında adam çoq ola – mayıs başından kurort mevsimi başlana. Lâkin Rusiye Qırımğa qoşulğanı sebebinden, turistler yarımadada tatilini ya da raatlıq künlerini keçirmege artıq istemeyler», - dep, qayd ete videonıñ müellifi.

Qırımnıñ «akimiyeti» evelden bildirgen edi ki, bu yıl 3 million turistlerni bekley ve rusiyeliler kelmesine esasen işanalar. Rusiye Naqliye nazirligi Qırımğa turistlerni alıp barmaq içün büyük kölemli salını kirağa aldı. Esaplarğa köre, yaz mevsiminde Keriç keçitinden künde eñ azı 8000 turist keçirilecek.
XS
SM
MD
LG