Link açıqlığı

Saatnıñ esas haberi

Naqliyeniñ yüklenüvi sebebinden Keriç sakinleri paradqa cayav ketmege mecbur oldı


Saba turaqlarda mayıs 9 kününe bağışlanğan paradqa barmağa istegenlerden nevbetler peyda oldı. Faqat marşrutkalar ziyade yüklenilgen edi ve yolcularnı almaq içün toqtamay edi.

«Bugün bütün olğan maşinalar işletildi», – dedi marşrutklardan birisiniñ aydavcısı.

Amma şeer naqliyesi yolcularnıñ böyle sayısına azır olmağandır.

Keriçlilerniñ çoqusı marşrutkalarnı bekle-bekle paradqa cayav ketti. Soqaqlarda şeer merkezine tüşmege istegen adam sürülerini körmek mümkün edi.

Bundan da ğayrı, şeer merkezine alıp ketken yollarda, hususan Çkalova ve Sverdlova soqaqlarında tıqanlıqlar peyda oldı.

Paraddan soñ naqliye yürüşinde problemler tamir işleri sebebinden yüz berdi. Aqşam «Kerç» musafirhanesiniñ qarşısında boru patladı, suv doğru parad içün qurulğan minberniñ yanına aqmağa başladı. Bu yerni madeniy kâğıt ile qapattılar, amma suv episi bir asfalttan çıqa edi. Ne ise paradqa bu al keder etmedi.
XS
SM
MD
LG