Link açıqlığı

Saatnıñ esas haberi

«Ukrnafta» Qırımdan kete


«Ukrnafta» Ukrainanıñ cermay gaz çıqarıcı büyük şirketi yarımadada cermay mahsulatınıñ satılmasınen oğraşqan Qırım filialı ve yaqarlıq noqtalarını qapattı.

Bu aqqında «Ukrnafta» idaresi reisiniñ buyruğında aytıla. Onıñ metini «Sobıtiya Krıma» neşirinde mevcut.

Vesiqada qayd etile ki, «Qırım Muhtar Cumhuriyetinde cermay mahsulatı satılmasınıñ hocalıq faaliyetini alıp baruv şaraitleri kerginleşti», em de Qırım bölüginiñ işi aqqında esabatlar olmadı, onıñ içün Qırım filialını qapattılar.

Qırım bölüginiñ reberine cermay mahsulatı ve diger mallarnı cedvelge almağa avale etildi.

Şirketniñ Qırımda 16 yaqarlıq noqtası bar: Aqmescitte, Aqyarda, Aluştada, Yaltada, Kezlevde, Kefede, Keriçte, Bağçasarayda, Canköyde, Or Qapıda, Saq ve Yedi Quyuda.
XS
SM
MD
LG