Link açıqlığı

Qırım yatırımcılarını qoruv fondu ukrain banklarınıñ müşterilerine tazminat ödemege başladı


Mayıs 8-de Qırım yatırımcılarınıñ qoruv fondu ukrain banklarınıñ müşterilerine tazminat ödevini başladı.

Bunı fondnıñ matbuat hızmeti bildire.

«Ödevler müşterilerniñ Qara deñiz inkişaf ve rekonstruktsiya bankı (ÇBRR) ve Rusiye milliy ticaret bankında (RNKB) açılğan yañı esaplarına yollanılacaq», – dep bildire Fond.
Mayıs 8-ne qadar Fond aman-aman 1,9 biñ insanğa umumen 420 mln rub (tahminen 140,7 mln grn) ödemege qarar aldı.

Rusiye Bankı aprel 21-de Qırımda PAO «KB «Privatbank», AO «İmeksbank», PAO «Bank «Kiyevskaya Rus» ve PAO «ViEyBi bank» faaliyetini toqtatmağa qarar aldı. Rusiye qanunları boyunca, Fond yatırımcılarnıñ Qırımda yaşağan yeri boyunca esaplarına köre 100% tazminat ödey, lâkin bir bankta para miqdarı 700 biñ rubleden ziyade olmamaq kerek.

Tazminat 2014 senesi aprel 1-ne qadar açılğan esaplar boyunca ödenilecek.
Yatırımcılarnı qoruv fondunıñ reisi Andrey Melnikovnıñ aytqanına köre, fond müşterilerniñ aman-aman 300 biñ arizanı qabul etmege planlaştıra. Ödevler miqdarı 30 mlrd rubleni teşkil etmesi mümkün. Yatırımcılarğa yardım köstermek içün Qırımda öz bölüklerini açacaq diger banklar da celp etilecek.

Yatırımcılarnı qoruv fondu aprel 23-de arizalarnı qabul etip başladı. Böyle etip, Qırım bankları yanında büyük nevbetler tizildi.
XS
SM
MD
LG