Ukraina Prezidentı vazifesini eda etken ve Yuqarı Şuranıñ reisi Aleksandr Turçinov «Milliy belgisine köre sürgün etilgen şahıslarnıñ aqlarını ğayrıdan tiklevi» adlı Ukraina qanunını imzaladı.
Bu aqta Prezidentnıñ resmiy saytında aytıla.
İşbu qanun Yuqarı Şurada aprelnıñ 17-de qabul etildi. Vesiqada «sürgünlük», «sürgün etilgen şahıs», «sürgün etilgen şahısnıñ qoranta azaları» terminleriniñ tarifi berile, sürgün etilgen adamlar kim olğanı tayin etile, «sürgün etilgen şahıs» statusı nasıl etip berilgeni aqqında añlatıla, Ukrainada daima yaşamaq içün qaytqan sürgün etilgen şahıslarğa ve olarnıñ qoranta azaları içün devlet kefaletleri aqqında ve sürgün etilgen zamanda tutıp alınğan mal-mülkleri içün tazmini aqqında aytıla.
Aynı zamanda bu qanun icra akimiyetniñ ve yerli idare organlarnıñ milliy belgisine köre sürgün etilgen şahıslarnıñ aq-uquqlarını ğayrıdan tiklemesi meselesinde vekâletini tayin ete.
Bu aqta Prezidentnıñ resmiy saytında aytıla.
İşbu qanun Yuqarı Şurada aprelnıñ 17-de qabul etildi. Vesiqada «sürgünlük», «sürgün etilgen şahıs», «sürgün etilgen şahısnıñ qoranta azaları» terminleriniñ tarifi berile, sürgün etilgen adamlar kim olğanı tayin etile, «sürgün etilgen şahıs» statusı nasıl etip berilgeni aqqında añlatıla, Ukrainada daima yaşamaq içün qaytqan sürgün etilgen şahıslarğa ve olarnıñ qoranta azaları içün devlet kefaletleri aqqında ve sürgün etilgen zamanda tutıp alınğan mal-mülkleri içün tazmini aqqında aytıla.
Aynı zamanda bu qanun icra akimiyetniñ ve yerli idare organlarnıñ milliy belgisine köre sürgün etilgen şahıslarnıñ aq-uquqlarını ğayrıdan tiklemesi meselesinde vekâletini tayin ete.
