Eski Qırımnıñ politsıyası musulmanlarnıñ sorğularğa çağırta.
Bunı QHAğa «İnsaf» musulman qadınlarnıñ ligası» teşkilâtnıñ reisi Lutfiye Zudiyeva bildirdi.
Tünevin yerli politsıya qısımında 150 kişi sorğudan keçtiler. Çağırılğan adamlarnıñ tam miqdarı belgisiz. Çoqusılarnı telefon vastası ile davet ete ediler.
«Endi sorğudan keçken 10 adam anda şahsiy ömürnen bağlı sualler berilgeni aqqında bildireler: «İslam dinini qaçandan kütmege başladıñız», «kimlernen qonuşasıñız», «İslamnıñ bir de bir sektalarğa alâqañız barmı» kibi sualler sorağanlar. Maña muracaat etken adamlar episi dinni kütken adamlardır. Bilgenime köre, çağırılğan adamlar arasında episi Hizb ut-Tahrir firqasınıñ ızdeşleri degil. Farqlı adamlarnı davet etip sorğu soraylar», – dedi Lutfiye Zudiyeva.
Lutfiye hanım politsıya hadimleri bazılarnıñ parmaq izlerini alğanları ve foto yapqanları aqqında qayd etti. Bu ise qanunsızlıqtır.
«Bu areketler tünevin apansızdan başlandı. Biz tek şimdi bunı matbuat vastaları ile yayıp oldıq. Bügünden de başlap adliyecilernen çalışmağa başladıq. Men öz alâqalarım ile Rusiyede yaşağan adliyecilernen Rusiyeniñ qanunlarını ögrenmak içün bağlandım. Biz böyle vaziyette ne yapmalımız, yapılğan areketler qanunlımı qanunsız mı. Biz bu inceliklerni bilmeymiz, olar da fursatnen qullanıp öz işlerini yapalar», – dedi Zudiyeva.
Onıñ sözlerine köre, böyle vaziyette qalğanları Meclis uquqıy hızmetinden, Qırım uquq qorçalayıcılar areketinden ya da Rusiye uquqqorçalayıcılarğa muracaat ete bileler.
Bunı QHAğa «İnsaf» musulman qadınlarnıñ ligası» teşkilâtnıñ reisi Lutfiye Zudiyeva bildirdi.
Tünevin yerli politsıya qısımında 150 kişi sorğudan keçtiler. Çağırılğan adamlarnıñ tam miqdarı belgisiz. Çoqusılarnı telefon vastası ile davet ete ediler.
«Endi sorğudan keçken 10 adam anda şahsiy ömürnen bağlı sualler berilgeni aqqında bildireler: «İslam dinini qaçandan kütmege başladıñız», «kimlernen qonuşasıñız», «İslamnıñ bir de bir sektalarğa alâqañız barmı» kibi sualler sorağanlar. Maña muracaat etken adamlar episi dinni kütken adamlardır. Bilgenime köre, çağırılğan adamlar arasında episi Hizb ut-Tahrir firqasınıñ ızdeşleri degil. Farqlı adamlarnı davet etip sorğu soraylar», – dedi Lutfiye Zudiyeva.
Lutfiye hanım politsıya hadimleri bazılarnıñ parmaq izlerini alğanları ve foto yapqanları aqqında qayd etti. Bu ise qanunsızlıqtır.
«Bu areketler tünevin apansızdan başlandı. Biz tek şimdi bunı matbuat vastaları ile yayıp oldıq. Bügünden de başlap adliyecilernen çalışmağa başladıq. Men öz alâqalarım ile Rusiyede yaşağan adliyecilernen Rusiyeniñ qanunlarını ögrenmak içün bağlandım. Biz böyle vaziyette ne yapmalımız, yapılğan areketler qanunlımı qanunsız mı. Biz bu inceliklerni bilmeymiz, olar da fursatnen qullanıp öz işlerini yapalar», – dedi Zudiyeva.
Onıñ sözlerine köre, böyle vaziyette qalğanları Meclis uquqıy hızmetinden, Qırım uquq qorçalayıcılar areketinden ya da Rusiye uquqqorçalayıcılarğa muracaat ete bileler.
