Link açıqlığı

Saatnıñ esas haberi

Qırımlılarğa Ukraina banklarına ödünçlerni tölememege çağıralar


«Delo çesti» uquq qorçalayıcı Komitetiniñ vekilleri qırımlılarğa ukrain banklarına kredit paralarını qaytarmamağa «tevsiye ettiler».

Bunı «Krımskiy fors-major: svoboda kreditov» cemaat areketiniñ koordinatorı Viktoriya Jukovskaya bildirdi, dep haber ete Qırım.Aqiqat mühbiri.

«Bizler uquqçılar olaraq buña yeñilmegen küç alı dep aytamız. Çünki bir kimse böyle bir fors-major olacağını tüşünmegen edi, mında em Ukraina, em de Rusiye qanunları çalışa», – dep ayttı Jukovskaya.

Onıñ bildirgenine köre, Ukrainanıñ Grajdanlıq kodeksinde 607-inci madde bar, oña köre, yeñilmegen küç alı olsa, bütün añlaşmalar bozula.

«Rusiye qanunları boyunca – Grajdanlıq kodeksiniñ 416 maddesine binaen, Rusiye ukrain bankları ile tizilgen kredit añlaşmalarınıñ borclarını temin ete, bu añlaşmalarnı boza. Bizler Rusiye Federatsiyasında bulunamız, Rusiye vatandaşları olamız, onıñ içün bu madde ukrain bankları ögünde olğan borclarımıznı qapata», – dep qayd etti uquq qorçalayıcı.

Leyha koordinatorları ukrain banklarına para qaytarmaycaq yarımada sakinlerine Ukrainağa barmamağa tevsiye eteler, çünki anda olarnı apske almaları mümkün.

Hatırlatamız, 2014 senesi mayıs 6-da Ukraina milliy bankı vaqtınca işğal olunğan yarımadada ukrain banklarınıñ müessiseleri ve bölükleriniñ işini mecburen toqtatmağa qarar aldı.
XS
SM
MD
LG