Link açıqlığı

Keriçte «777» Moskva regionına ait avtomobil nomeralarını almaq istegenlerniñ sayısı ep azlaşa


Keriç aydavcıları «777» Moskva regionına ait avtomobil nomerasını almağa aşıqmaylar. Aprel ayında MREOda «üç yedini» almağa kelgenler nevbette tursa, bugün çoqusı aydavcılar Rusiye akimiyeti Qırımğa bergen «82» regionı ile nomeralarını bekley.

Yerli aydavcı Qırım.Aqiqat mühbirine: «Bu nomeralar vaqtınca olacaq, soñra ep bir deñiştirmege kerek olur. Dostlarımıznen 82-nci regionnı beklemege qarar aldıq», – dep ayttı.

Keriç MREO yolbaşçısı Vasiliy Voytenko dedi ki, Keriç sakinleri «777» Moskva regionı ile alğan devlet nomeraları deñiştirilmeycek. 500 nomera saibini tapsa, Keriçte «82» Qırım regionı ile nomeralarnı bermege başlaycaqlar.

Voytenkonıñ aytqanına köre, aprel ayınıñ ortasına qadar 250 adam «üç yedini» elde etti. Bunıñ kibi avtomobil nomeralarınıñ berilmesi devam etile.

Keriç militsiyası maşina nomeralarını deñiştirmege aşıqmay. Qırım.Aqiqat alğan malümatqa köre, yerli uquq qoruyıcılar «82» Qırım regionı ile nomeralarnı bekleyler.
XS
SM
MD
LG