Link açıqlığı

Saatnıñ esas haberi

Ukraina boyunca nevbetteki muzakerelerniñ keçirilmesini kelecek afta belgileycekler


Ukrainanıñ Rusiye gazı içün ödevi meselesi bоуnca muzakereler Brüsselde, mayıs 12 künü olacaqtır.

Rusiye energetika Nazirliginiñ malümatına köre, bu körüşüvde Rusiye, Ukraina, Avropa tarafları iştirak etecek, dep haber ete Radіo Svoboda.

«Rusiye energetika Nazirliginiñ, Ukraina ve Avropa komissiyanıñ energetika ve kömür sanayınıñ temsilcileri mayıs 12 künü Brüsselde Rusiye, Ukraina, Avropa birligi arasında Ukrainanıñ Rusiye gazı içün ödevi meselesi boynca muzakerelerniñ keçirilecek kününi belgileycek», – denile messacta.

Üç taraflama mesleatnıñ birinci raundı Varşavada mayıs 2 künü olıp keçti. Bu muzakerelerde Rusiye, Ukraina, Avropa komissiyanıñ eyyetleri añlaşıp olamadı. Şimdi Rusiye Ukrainağa eñ yüksek gaz fiyatını belgiledi – biñ kubometr içün tahminen 500 dollar.

Daa paalığa tek Frenksitan ala, biñ kubometr içün tahminen 550 dollar
Ukraina akimiyetiniñ yolbaşçısı Arseniy Yatsenük aytqanı kibi, eger de «Gazprom» Ukrainağa gaznı biñ kubometr içün 268,5 dollarğa satmağa razı olsa, o vaqıt Ukraina Rusiyege 2,2 milliard dollar miqdarına borcunı berecek ola.
XS
SM
MD
LG