Link açıqlığı

Ukraina akimiyetiniñ başı Arseniy Yatsenük Rusiye prezidenti Vladimir Puinni «avanı satmamağa» çağıra.

Yatsenükniñ böyle sözleri Putinniñ separatistlerge Ukraina şarqında mayıs 11 kününe belgilegen referendumnıñ başqa künge keçirilmesi aqqında çağıruvına cevap oldı, dep haber ete Radіo Svoboda.

«Vladimir Vladimiroviç, Sizge, büyük memleketniñ prezidentine, avanı satmağa kelişmey. Eger de Rusiye mayıs 11 kününe belgilegen nasıldır bir refernedumnı başqa künge keçirmege rica etse, demek Rusiye prezidentine Ukrainada mayıs 11 künü iç bir referendum olmaycağını aytmaq kerek. Eger de Rusiyege qol tutqan separatist ve terroristler planlaştırılmağan şeylerni qaldırmağa emir alsa, bu olarnıñ şahsiy meseleleridir», – dey Yatsenük.

Bugün Rusiye prezidenti Vladimir Putin Ukraina cenübiy-şarqında federalizatsiya tarafdarlarını mayıs 11 kününe planlaştırılğan referednumnı başqa künge keçirmege çağırdı.

Şimdi OBSEde reislik etken İsveçreniñ prezidenti Didier Burkhalter ile körüşüvden soñ Putin separatistlerge «referendumnı» birazdan soñ keçirmege teklif etti.

Bunıñnen beraber o, Kiyev akimiyetini şarqiy Ukrainada antiterroritsik ameliyatnı toqtatmağa da çağırdı.
XS
SM
MD
LG