Link açıqlığı

Ukrainanıñ 51 % vatandaşı eger de Rusiye orduları Ukraina qıtasınıñ sıñırından keçse, Ukraina oña cevap olaraq arbiy areketke başalmaq kerek olğanını tüşüne.

Bunı «Reyting» içtimaiy gruppasınıñ keçirilgen soravı isbatlay, dep haber ete Radіo Svoboda.

«Devlet sıñırınıñ qorçalavı içün arbiy areketlerniñ kirsetüvine ğarp ve şimalde tahminen 75% qol tuta, merkezde tahminen 60% ve cenüp ve şarqta – 40%. Bütün regionlar Ukraina terkibinde qalacaq olsa, muzakerelerniñ keçirilmesine cenüpte soravdan keçken 50% qol tuta, şarqta tahminen 40% ve Donbassta sorağanlarnıñ üçte bir sayısı.

Rusiyeniñ talaplarını yerine ketirmek ve atta bir qaç regionnı teslim etmege tek Donbassnıñ 20 % razıdır», – dedi ekspert ve içtimaiy hızmetiniñ temel qoyucısı İgor Tışçenko.

Ukraina şarqında narazılıqlar kimniñ idaresi ile keçe degen sualge soravdan keçken 59% Ukraina sakini Rusiye mahsus hızmetlerini qayd ete, 42% – sabıq prezidentke yaqın olğan insanlarnı, 25% – yerli oligarhlarnı, 23% – Regionlar firqasını, 22% –yañı akimiyetniñ siyasetini begenmegen yerli sakinlerni qayd ete.

Ukraina terkibinden ayırı regionlarnıñ çıqacağını talap etken separatistler ile muzakerelerniñ keçirilmesine ukrainlilerniñ 40% qol tuta, 35% ise akimiyetniñ ciddiy areketleri ile razıdır.
XS
SM
MD
LG