Link açıqlığı

Qırımda bütün naqıtsız ameliyatlar Rusiyeniñ resmiy para birleminde olacaq, dep ayttı Qırım «baş nazir muavini» Rustam Temirgaliyev.

Bunı öz başına tayin etilgen Qırım akimiyetiniñ matbuat hızmeti bildire.

Temirgaliyevniñ aytqanı kibi, Ukraina Milliy bankınıñ yarımadada Ukraina banklarınıñ işi toqtatuvı aqqında qararı sebebinden grivnanıñ qullanuvı imkânsızdır.

«Ukraina Milliy bankınıñ areketlerinden Qırım iqtisadiyatı iç bir problemlerge rastkelmez. Ruble esaplarına sakin keçüvi içün eali Rusiye Merkeziy Bankınıñ kursı boyunca grivnalarnı er bir bank müessisende deñiştire bilecek. Naqıt grivna daa bir ay devamında yürecektir», – dedi Temirgaliyev.

Оnıñ bergen malümatına köre, yarımadada Rusiye banklarınıñ 207 bölügi çalışa ve daa 51 yaqın vaqıtta açılacaqtır.
XS
SM
MD
LG