Link açıqlığı

Qırğızstan akimiyeti Gümrük birligine kirüvini toqtata


Qırğızstan baş naziri Coomart Otorbayev onıñ akimiyeti Rusiye yolbaşçılığı altındaki Gümrük birligine kirüvini toqtatmağa niyetinde olğanını bildire.

Radіo Svoboda aytqanı kibi, bugün Otorbayev Bişkekte başında iqtisadiyat naziriniñ muavini Danil İbrayev turğan qırğız eyyeti şimdi Moskvada olğanını ve Rusiye akimiyeti ile Qırğızstannıñ Gümrük birligine kirüvini 1 yılğa toqtatmaq imkâniyetini muzakere etkenini bildirdi.

Otorbayev Qırğızstannıñ Gümrük birligine kirüviniñ planı daa azır olmağanını da aytıp keçti.

Qırğızstan baş naziri aytqanı kibi, plan akimiyet tarafından eñ yaqın kelecekte azır ve aşkâr olacaq eken.

O şunı da qayd etti ki, işbu plan qırğız halqı ve akimiyeti tarafından alğışlansa, tek o vaqıt Gümrük birliginiñ memleket-azalarına – Rusiye, Qazahistan, Aqrusiyege yollanılacaq.

Evelden Otorbayev Rusiye yolbaşçılığı altındaki Gümrük birligine kirüv onıñ memleketi içün «doğru adım» ve çoq iqtisadiy ve içtimaiy problemlerniñ çeziliş yolu olğanını qayd ete edi.
XS
SM
MD
LG