İşğal etilgen Keriçte Ğalebe Kününi meşal ve işğalniñ sanalaştıruvı ile qayd etecekler

Keriçte Ğalebe kününi 2 kün qayd etecekler.

Qırım.Aqiqat mühbiriniñ aytqanına köre, şimdi şeerde bayram tedbirleriniñ repetitsiyası keçe.

Kirova soqağında arbiyler aqşalmlarnen mayıs 9-da saba keçirilecek paradnıñ repetitsiyasını keçireler.

Repetitsiya içün kerek olğan arbiy tehnikanıñ büyük sayısı içün şeerniñ merkeziy soqaqlarında naqliye yürüşini toqtatalar.

Aynı zamanda Mitridat dağında er kün «Belgisiz askerniñ adına» teatr sanalaştıruvınıñ repetitsiyaları olıp keçe. Onı mayıs 8 künü adetiy yürüşten soñ kösterecekler.
Keriç sakinleri şeer soqaqlarından yanğan meşal ile keçip soñ, Büyük Mitridat merdiveninden dağğa köterilecekler.

Bu sene, rejissörnıñ ğayesi ile, aktörlar Keriçniñ işğali ve azat etilüvini kösterecekler. Sanalaştıruvda Keriç teatr studiyalarınıñ şegirtleri ve olarnıñ ana-babaları iştirak etecekler.