Link açıqlığı

Eger de Ukraina ziddiyeti toqtatılmasa, AB cezalarnıñ 3-nci basamağını kirsetecek. Bunı bugün Brüsselde Avropa şurasınıñ reisi Herman Van Rompuy bildirdi, dep haber ete Radіo Svoboda.

«Avropa komissiyası Rusiye Federatsiyasına qarşı ticariy-iqtisadiy cezalarnıñ azırlanmasını devam ete», – dedi Rompuy.

«Ukraina akimiyeti Jeneva añlaşmasınıñ amelge keçirüvi içün bayağı areket etti. Amma, qayd etkenimiz kibi, Rusiye öz mecburiyetlerine riayet etmey», – qayd etti Rompuy.

Onıñ sözlerine köre, AB Ukrainağa er taraflama yardımını köstere ve köstermege devam etecektir.

«Biz Ukrainağa devletniñ grajdan havfsızlığı saasındaki ihtiyaclarını ögrenecek ekspertlerni yollamağa niyetindemiz. Böyle qarar mayıs 12 künü AB çetel işler nazirler Şurasınıñ toplaşuvında baqılacaq», – dedi o.

Keçken aynıñ soñunda AB Ukraina buhranı sebebinden cezalarğa oğrağan 15 insandan ibaret olğan cedvelni aşkâr etti. Aprel 29 künü peyda olğan cedvel esapları qapatılğan ve AB kirişi yasaq olğan insanlarnıñ sayısını 48-ge ketirdi.
XS
SM
MD
LG