Link açıqlığı

2014 senesi mayıs 6 künü Ukraina Milliy bankınıñ alğan 260№ qararı ile «Sberbank Rossii» bankınıñ bölükleri Qırım Muhtar Cumhuriyeti ve Aqyarda öz işini toqtata.

Bunı banknıñ matbuat hızmeti bildire.

«Sberbank Rossii» bankı Qırım bölükleriniñ müşterilerine hızmetni Ukraina qanunına, Ukraina milliy bankınıñ talaplarına, Banknıñ içki vesiqalarına ve müşteriler ile alınğan añlaşmalarğa binayen banknıñ Ukraina qıtaiy qısımındaki bölüklerinde kösterecekler», – denile beyanatta.

Banknıñ Qırım bölüginiñ müşterileri tafsilâtlı malümatnı: 5595 ya da +38 044 354 1515 nomerler boyunca ala bileler.

«Sberbank Rossii» bankınıñ bölügi Ukraina ticariy bankı ola ve öz faaliyetini Ukraina qanunlarına köre alıp bara», – qayd ettiler bankta

Mayıs 6 künü Ukrainanıñ Milliy bankı Qırımda Rusiye işğaliniñ soñuna qadar Ukraina banklarına işni yasaq etken emirni qabul etti. Bu sebepten Qırım «akimiyeti» yarımadada bütün naqıtsız ameliyatlar Rusiyeniñ resmiy para birleminde olacağını ilân etti.
XS
SM
MD
LG