Özüni Qırım Cumhuriyetiniñ Şeer şurası dep adlağan Qıpım «parlamenti» Odessa vilâyet şurasınıñ deputatlarına çağıruvnı qabul etti, oña 74 deputat qol tuttı. Hitap Qırım «parlamentiniñ» saytında peyda oldı.
Şeer şurasınıñ reisi Vladimir Konstantinov Kiyev akimiyeti Qırım «parlamentiniñ» muracaatlarına qulaq asmağanına şikâyet etti, şunıñ içün olar «Odessa vilâyet şurasındaki zenaatdaşlarını insaflı olmağa çağırtacaqlarını» qarar aldılar.
«Qırımda elâk olğanlar içün kederleneler. Bandera izdeşleriniñ vahşiy areketlerine Odessa vilâyet şurası deputatlarınıñ indememezligi ayrette qaldıra. Bu sene yanvar ayında, «Maydan» vakhanaliyası vaqtında, siz Prezident Viktor Yanukoviçten cemaat nizamı ve tınç vatandaşları aqlarınıñ teminlevini talap ete ediñiz. Bugün ise «Pravıy sector» boyeviklerine Lvov ya da Кiyevde degil de, tuvğan şeeriñizniñ yollarında arbiycesine yürmege, faşist canavarları Hatın sakinlerini yaqqanı kibi Odessa sakinlerini yaqmağa musaade etesiñiz», – dep aytıla Qırım deputatlarınıñ beyanatında.
«Odessa vilâyet şurasınıñ deputat korpusı susmamaq kerek! Susmaq – hainlik yapmaqtır! – denile beyanatta. – Seçim yapqan sizsiñiz! İnanamız ki, seçimiñiz ğalip nesilniñ evlâtlarına lâyıq olur».
Mayıs 2 künü Odessada Ukraina ve Rusiye tarafdarları arasında yüz bergen çatışma neticesinde 46 insan elâk oldı. Olarnıñ çoqusı Odessa zenaat birliginiñ Evinde olğan yanğın aqibetinde boğulıp qaldı. Ukraina havfsızlıq hızmetinde Odessadaki çatışma ve tertipsizlikler tanılmağan Pridnestrovye territoriyasından Rusiye diversion taqımları tarafından idare etilgenini haber ettiler.
Şeer şurasınıñ reisi Vladimir Konstantinov Kiyev akimiyeti Qırım «parlamentiniñ» muracaatlarına qulaq asmağanına şikâyet etti, şunıñ içün olar «Odessa vilâyet şurasındaki zenaatdaşlarını insaflı olmağa çağırtacaqlarını» qarar aldılar.
«Qırımda elâk olğanlar içün kederleneler. Bandera izdeşleriniñ vahşiy areketlerine Odessa vilâyet şurası deputatlarınıñ indememezligi ayrette qaldıra. Bu sene yanvar ayında, «Maydan» vakhanaliyası vaqtında, siz Prezident Viktor Yanukoviçten cemaat nizamı ve tınç vatandaşları aqlarınıñ teminlevini talap ete ediñiz. Bugün ise «Pravıy sector» boyeviklerine Lvov ya da Кiyevde degil de, tuvğan şeeriñizniñ yollarında arbiycesine yürmege, faşist canavarları Hatın sakinlerini yaqqanı kibi Odessa sakinlerini yaqmağa musaade etesiñiz», – dep aytıla Qırım deputatlarınıñ beyanatında.
«Odessa vilâyet şurasınıñ deputat korpusı susmamaq kerek! Susmaq – hainlik yapmaqtır! – denile beyanatta. – Seçim yapqan sizsiñiz! İnanamız ki, seçimiñiz ğalip nesilniñ evlâtlarına lâyıq olur».
Mayıs 2 künü Odessada Ukraina ve Rusiye tarafdarları arasında yüz bergen çatışma neticesinde 46 insan elâk oldı. Olarnıñ çoqusı Odessa zenaat birliginiñ Evinde olğan yanğın aqibetinde boğulıp qaldı. Ukraina havfsızlıq hızmetinde Odessadaki çatışma ve tertipsizlikler tanılmağan Pridnestrovye territoriyasından Rusiye diversion taqımları tarafından idare etilgenini haber ettiler.
