Link açıqlığı

Ukraina yırcısı Mariya Yaremçuk Yevrovideniye 2014 finalına keçti.

Salı künü yarışnıñ ilk yarı finalı keçti. Ukraina temsilcisi şved yırcısı Sandra Berman ile müellifdeşlikte yazılğan Tick-Tock yırını icra etti, dep haber ete Radіo Svoboda.

İlk yarı finalda Avropa memleketleriniñ 16 temsilcisi çıqışta bulundı. Finalğa, Ukrainadan ğayrı, Ermenistan, İsveçiya, İslandiya, Rusiye, Azerbeycan, Sa-Marino, Felemenk ve Macaristan keçti.

Olarğa daa beş memleket – Almaniya, Büyük Britaniya, Frenkistan, İspaniya ve İtaliya qoşulacaq. Olarnıñ temsilcileri adet üzre dos-doğru finalğa tüşeler. Danimarka da, keçken sene ğalip çıqqanı içün, birden finalğa keçti.

Ekinci yarı final yarın, final ise mayıs 10-da olıp keçecek.
XS
SM
MD
LG