Link açıqlığı

AQŞ devlet kâtibi Putinniñ mayıs 9 künü Qırım ziyareti aqqında: ümüt etemiz ki, o, Ukraina ziyaretinden memnün qalır


AQŞ Rusiye prezidenti Vladimir Putin mayıs 9 künü Ukraina ziyaretinden memnün qalacağına ümüt besley.

Bu aqta brifing devamında AQŞ Devlet departamentiniñ temsilcisi Jen Psaki bildirdi, Devlet departamentiniñ matbuat hızmetine esaslanıp, RBK-Ukraina haber ete.

«Haberni eşittim (mayıs 9 künü Putinniñ Aqyar ziyareti aqqında – muar.). Ümüt etem ki, o Ukraina ziyaretinden memnün qalır», – dedi Psaki.

AQŞ işbu ziyaretke qarşı çıqmaymı degen sualge AQŞ Devlet departamentiniñ temsilcisi: «Elbet, bu onıñ anda etilecek areketlerine bağlı. Amma kene de, siz bizim mevamımıznı bilesiñiz: Qırım Ukraiananıñ qısmı. Ve biz onı Ukraina toprağı olaraq tanımalımız», – qayd etti Psaki.

Rusiye prezidenti Vladimir Putin ve Rusiye baş naziri Dmitriy Medvedev mayıs 9 künü Aqyarda olacaq Ulu Vatan cenkinde Ğalebe kününe bağışlanğan paradnı seyir etmek içün Qırımğa kelecek olalar.
XS
SM
MD
LG